Gimando ni Commission on Elections (COMELEC) Chairman George Erwin Garcia ang Philippine National Police (PNP) ug Armed Forces of the Philippines (AFP) nga imbestigahan ang nahitabong pag-ambush sa convoy ni Bangsamoro Autonomous Region in Muslim Mindanao (BARMM) interim Chief Minister Abdulraof Macacua.
Matod ni Garcia, kinahanglan masuta dayon ang maong insidente, may kalabotan man kini sa eleksyon o wala.
Gipasiugda usab niya ang panginahanglan nga mapadayon ang kalinaw ug kahapsay sa maong lugar.
Gipasalig sa COMELEC nga importante ang pagpanalipod sa katawhan ug pagrespeto sa ilang mga katungod nga gitakda sa Konstitusyon ug balaod. (riza budlao)
