Gipagawas sa usa ka armadong grupo ang usa ka video nga nagpakita sa gatosan ka tawo nga gikidnap atol sa pag-atake sa usa ka mosque sa Dekara village, Niger State, Nigeria.
Gibana-bana nga mokabat sa 600 ang mga biktima, kadaghanan kanila mga babaye, bata ug tigulang, apan wala pa opisyal nga makumpirma ang eksaktong gidaghanon.
Nahimo ang pag-atake atol sa pag-ampo sa Biyernes ug gisundan kini sa sunod-sunod nga pag-atake sa ubang komunidad sa maong lugar, diin 30 ka tawo ang gikatahong patay.
Gimando ni Nigerian President Bola Tinubu ang militar ug ubang security agencies nga maglunsad og operasyon aron pangitaon ug luwason ang mga dinukot.
Nagkadako ang pressure sa gobyerno ni Tinubu tungod sa balik-balik nga mass kidnapping sa Nigeria, nga nagpadayon sa paghulga sa seguridad sa nasud ug pagsalig sa publiko sa gobyerno
