Mihatag katin-awan ang United States Central Command (CENTCOM) sa ilang pag-atake sa pasilidad sa Iran, ning adlawa.
Subay sa opisyal nga pahayag sa puwersa sa U.S. Central Command (CENTCOM), ilang gikompirmar ang pagpahigayon sa mga pag-atake batok sa Iran, isip tubag sa pag-atake sa usa ka komersyal nga barko nga nagtabok sa Strait of Hormuz kagahapon.
Lakip sa gi-target sa US War planes ang missile ug drone storage sa Iran.
Gibungkag usab sa Amerika ang mga coastal radar sites human nila tirahe ang M/V Ever Lovely niadtong Hunyo 25 gamit ang usa ka one-way attack drone.
Una niini, ang Singapore-flagged cargo ship naggikan sa Strait of Hormuz, ug misubay daplin sa baybayon sa Oman sa panahon sa pag-atake sa Iran.
Unang mipasabot ang US CENTCOM nga ang dili matarong nga agresyon batok sa komersyal nga pagpadagan sa dagat nga gihimo sa puwersa sa Iran klarong nakalapas sa ceasefire.
Gitrata sa Amerika nga delikado kini nga pamatasan sa Iran kay tataw nga nakapahuyang sa kagawasan sa pagbiyahe sa mga barko sa kipot, ug klaro nga gusto nilang baldahon ang normal nga dagan sa komersyo sa kalibutan.
Maoy gikasuko sa US ang pagtira sa Iran sa mga barko nga mi-agi sa internasyonal nga trade corridor.
Subli, gisaad sa puwersa sa CENTCOM nagpadayon sila sa paghatag sa koordinasyon ug suporta aron luwas ang pagbiyahe sa mga commercial cargo nga muagi sa Strait of Hormuz.aron masiguro ang luwas nga pagtabok sa mga komersyal nga barko sa strait.
