CAGAYAN DE ORO CITY – Gisibog sa lehitimong pamilya sa construction worker nga unang suspek sa pagpanunggab-patay sa motorela driver nga ipaubos pa sa otopisya sa NBI-10 ang patay’ng lawas niini dinhi sa syudad.
Kini human sila kumbinsido nga walay foul play sa kamatayon ni Rocky Jolly Samson,42 anyos sa dihang gi-neutralize sa mga pulis kay armado sa 23 pulgadas nga gintas-on sa sundang.
Miingon si Police Corporal Edgar Salalay,imbestigador sa Nazareth Police Station nga pagmatood kini nga wala dagmali sa kapolisan ang suspek samtang ubos sa ilang kustodiya sa miaging semana.
Gibutyag ni Salalay nga tungod niini,dili na maduso ang kasong murder batok Samson bisan kon napatay niya ang biktima nga si Galiciano Geron Jr gumikan lamang sa isyu sa utang sa miaging semana.
