Gihataga’g pagtugot sa International Criminal Court (ICC) ang hangyo sa depensa ni kanhi Presidente Rodrigo Duterte nga usbon ang contact restrictions samtang siya nagapabilin sa detensyon.
Sa desisyon niadtong Hunyo 11, 2026, gimando sa Trial Chamber III ang ICC Registry nga idugang sa redacted list ang indibidwal sa non-privileged contacts ni Duterte.
Kini nagpasabot nga mahimo siyang maka-komunikar gikan sa maong listahan, ubos sa mga kondisyon sa korte.
Una niini, ang depensa nangayo sa permiso nga makigkomunikar si Duterte sa maong indibidwal samtang magpabilin ang monitoring measures.
Wala mosupak ang prosekusyon sa maong hangyo. Gibutyag sa ICC Registry nga walay kalapasan ang aksyon sa depensa ug pwede kini matuma.
Mahinumduman nga mismo ang chamber misulti nga adunay katungod ang mga detainee sa komunikasyon apan, dili “absolute” kay may gahum usab ang korte nga mulimitar niini kung makadaot na sa proseso o magbutang sa dakung hulga.
