Gikumpirmar ni Presidente Ferdinand ‘Bongbong’ Marcos Jr. nga nagpadayon pag-uswag ang mga diskusyon bahin sa posibleng pakigtimbayayong sa nasud ngadto sa China alang sa eksplorasyon sa lana ug gas sa West Philippine Sea.
Sa usa ka forum sa media, gipasabot ni Marcos nga ang bag-ohay nga mga krisis sa enerhiya ug ang mga pagsaka sa presyo sa petrolyo ug gasolina kay nagpakita sa dinalian nga panginahanglan sa nasud nga makakuha og bag-ong suplay.
Ang nasud sa Pilipinas ug China kay kasamtangang nag-atubang sa mga pundasyonal nga isyu aron mapalig-on ang terms of agreement alang sa usa ka gobyerno-sa-gobyerno o komersyal nga kaayuhan.
Gipadayag sa Presidente ang iyahang paglaum nga mapatuman kini nga proyekto sulod sa iyahang termino, samtang gipatin-aw usab niya nga ang tanang bahin kay aktibong nagtrabaho aron makab-ot ang usa ka malampuson nga kasabutan. (raniel mahunyag)
