Gipamugos ni House Prosecution Panel Member ug House Deputy Speaker Janet Garin, nga dili lang igo nga protektahan ang identidad sa mga informants kon mugamit ug confidential funds.
Sa exclusive interview sa BOMBO RADYO CDO, siya miingon nga bisan pa man nga gitagoan ang pagkatawo sa mga tinubdan sa impormasyon, kinahanglan gihapon nga may klarong output o resulta ang paggamit sa kwarta sa gobyerno.
“Confidential fund siya in the sense nga ang imong mga informant, ang imong mga source of information tagaan nimog proteksyon… pero naa ka dapat output, dili pwede nga confidential ang output,” ingon ni Garin
Gipasabot sa magbabalaod nga ang kwarta nga gigamit gikan sa buwis sa mga lungsuranon sama ni Juan ug Maria dela Cruz.
Busa, kinahanglan nga adunay konkretong accomplishment gikan sa gipagawas nga pondo.
Kung walay klarong resulta, dili makatarunganon nga ipadayon ang pagtago sa datos bahin niini. Sumala pa kaniya, ang accountability ug transparency ang nag-unang prayoridad sa maong isyu.
