Gipahayag sa Department of Economy, Planning, and Development (DEPDev) nga dili lagmit nga mobalik ang Pilipinas sa lower-middle income status human kini bag-o lang nasulod isip usa ka upper-middle income country nga adunay 4,850 Dolyares nga gross national income (GNI) per capita.
Giingon nga bisan pa’g adunay mga mga hagit susama sa nagpadayong tensyon sa Middle East diin mahimong makaapekto sa pagtubo sa ekonomiya.
Giklaro usab ni DEPDev Secretary Arsenio Balisacan nga kini nga klasipikasyon gibase lamang sa kinatibuk-ang GNI per capita sa nasod ug wala nagpasabot nga ang matag Pilipino anaa sa maong income status.
Dugang pa niya, dili pa daling mawala ang mga pautang o concessional loans sa nasod ug adunay pa’y tulo ka tuig ang kagamhanan aron mangandam samtang padayong gipalig-on ang maayong pagdumala, imprastraktura, ug uban pang mga reporma aron mapadayon ang pagtubo sa ekonomiya.
