“Wrong timing”.
Kini ang reaksiyon National Bureau of Investigation (NBI) Director Melvin Matibag sa pagbiya sa nasud ni Batangas Congressman Leandro Leviste, ilabe nga aduna siyay gi-atubang nga reklamo sa ilang buhatan.
Namugos si Matibag nga angayan lang mupatim-aw sa ilang opisina ang kongresista kay nalambigit siya sa gi-ingon plano nga pasanginlan si Executive Secretary Ralph Recto sa paggamit sa droga ug sexual misconduct.
Una niini, gihimakak sa opisyal nga siya ang nag-anunsyo sa pagbiya sa mag-inahang Senador Loren Legarda ug kongresista Leviste.
Gihagit ni Matibag ang mag-inahan nga mubalik dayon sa Pilipinas ug atubangon ang reklamong gi-atubang batok ES Recto.
