Gitin-aw sa Malacañang nga wala’y gipangayo nga baylo ang Russia alang sa pagpagawas sa 24 ka Pilipinong detenido sa maong nasud.
Gibutyag ni Palace Press Officer USec. Claire Castro nga gihisgutan lamang ni Presidente Ferdinand Marcos Jr. ang kahimtang sa mga Pilipino sa iyang bilateral meeting uban ni Russian President Vladimir Putin.
Nasorpresa kuno si Putin sa dihang nahibalo siya bahin sa mga Pilipinong priso ug dali nga misaad nga susihon ang ilang kahimtang.
Gisulti sa presidente nga pangitaan niya kini’g solusyon subay sa balaod ug polisiya sa Russia.
Gipamugos ni Castro nga girespeto sa Pilipinas ang mga balaod sa Russia, ug positibo ang tubag ni Putin nga nagresulta sa dali nga pagpauli sa mga Pilipino.
Daku ang kalipay ni Pangulong Marcos sa positibong tubag ni Presidente Putin.
