Dakung Leksyon sa Pilipinas ang kasamtangang tensyon nga nahitabo tali sa Estados Unidos ug Venezuela. Kini ang gibutyag ni Political Analyst nga si Prof. Christopher Ryan Maboloc sa interbyu sa BOMBO RADYO. Namugos si Maboloc nga walay kapa-ingnan ang usa ka gamay nga nasud kung suklan niini ang higanteng nasud sama sa Estadus Unidos. Namugos si Maboloc nga bisan pa’g ipaninggit sa Venezuela, Ukraine ug Pilipinas ang katungod sa pagdumala sa nasud, ang kasaysayan nagtudlo kanato nga kung mulihok na ang usa ka dakung nasud, dali ra madaug-daug ang ilang gagma’y alyado.
