Gitawag ni House prosecution counsel Atty. Lorna Kapunan nga “scam” ang paggasto sa confidential funds sa Office of the Vice President (OVP) ug Department of Education (DepEd) atol sa impeachment trial ni Vice President Sara Duterte.
Sa iyang pagpangutana sa kanhi auditor sa Commission on Audit (COA) nga si Roderick Wamil, iyang gihisgutan ang COA circular nga nag-ingon nga ang publikong pondo nga walay igo nga dokumentasyon mahimong adunay prima facie nga presumption sa personal nga paggamit sa opisyal.
Human mokumpirma ang testigo, mibutyag si Kapunan nga kung siya ang pangutan-on, scam kini, butang nga gisupak dayon sa abogado sa depensa nga si Atty. Michael Poa isip ‘out of order’.
Giuyonan ni Senate Impeachment Presiding Officer Francis “Chiz” Escudero ang objection ug gimando nga tangtangon sa opisyal nga rekord sa impeachment court ang maong pahayag.
