Gipadayag sa direktor sa National Bureau of Investigation nga gisusi nila ang posibilidad nga adunay konspirasiya tali nila Bise Presidente Sara Duterte ug Mayor Baste Duterte bahin sa alegasyong hulga nga ipapatay si Presidente Marcos.
Sa gipahigayon nga pagsukit-sukit ni Senator Imee Marcos kang NBI Director Melvin Matibay, gisusi sa senator judge nga mga anggulo nga mudoot sa mag-igsoon nga may plano sila nga ipapatay si Marcos.
Sa binaylu-ay nga pahayag sa duruha, gitin-aw ra ni Matibag nga wala pa silay pormal nga kaso nga gipasaka tungod kay lisud pamatud-an ang conspiracy ug nagkinahanglan pa kini sa mas ma-ugdong nga case build-up.
Miingon si Matibag nga tumanon gihapon nila ang mga lagda sa Department of Justice Memorandum Circular No. 20 diin gikinahanglan ang reasonable certainty of conviction sa dili pa iduso ang pormal nga kaso sa korte.
