Mipirma si U.S. President Donald Trump og duha ka executive orders nga nagtumong sa paglimita sa birthright citizenship ug pagbatok sa gitawag nga “birth tourism.”
Gihimo kini human sa June 30 nga ruling sa U.S. Supreme Court diin mibasura ngadto sa pagsulay sa administrasyon nga ipahunong ang automatic citizenship sa pipila ka mga batang natawo sa U.S.
Matod sa Trump administration, mas limitado ang bag-ong mga direktiba ug nagtutok sa pipila ka giingong historical exceptions sa 14th Amendment, lakip ang pipila ka kaso nga may kalabotan sa foreign government personnel ug birth tourism.
Hisayran nga ang 14th Amendment dugay nang gihubad nga naghatag og U.S. citizenship sa kadaghanan sa mga tawo nga matawo sa Estados Unidos, gawas sa pipila ka exceptions sama sa mga anak sa foreign diplomats. (riza budlao)
