Usbon ug patas-an pa ang kalidad sa serbisyo nga itunol sa House of Representatives aron mas mulig-on pa ang pagsalig sa publiko sa ilang kapunungan.
Kini ang sentro sa mensahe ni House Speaker Faustino Bojie Dy III sa pormal nga pagbukas sa 20th Congress – 2nd Regular session, ning tuiga.
Miingon si Dy nga pataason ang kalidad sa pampublikong pag-alagad ug palawomon ang paningkamot sa matag adlaw aron sa hingpit nga mabawi ang bug-os nga pagsalig sa katawhang Pilipino.
Gipasabot ni Dy nga ang pagsalig dili lakang bahin sa mga bag-ong liderato o mga bag-ong programa, apan mahitungod sa pagdawat sa dakong hagit sa pagmugna sa mas taas nga sumbanan o “new standard for public service.”
Gipamugos sa opisyal nga ang matuod nga bag-ong Kongreso kinahanglang magsilbi nga may integridad, maayong pagdungog, ug papadangat ang matuod nga malasakit sa matag lungsanon.
