Gihingusgan ni Gusa Brgy Kapitan Marlo Tabak, Presidente sa ABC o Liga ng mga Barangay, nga mapasar na House Bill No. 8674 nga nagtumong sa Magna Carta for Public Officials aron madugangan ang honorarium sa mga barangay workers nga dugay nang giingong underpaid.
Si Tabac namugos nga daghang barangay personnel ang nagserbisyo bisan gamay ra ang ilang madawat nga honorarium ug dili pa gyud sila ma-classify isip regular nga empleyado sa gobyerno.
Dugang pa niini nga adunay health workers nga mokabat lamang sa duha ka libo pesos matag bulan ang gakadawat nga honoraria samtang ang uban sama sa tanod ug ubang personnel gamay ra usab ang madawat nga dili igo sa ilang adlaw-adlaw nga panginahanglan.
Namugos so Tabac nga kung mahatagan sa igong benepisyo ug tukmang ikibali sa ilang serbisyo ang mga trabahante sa barangay, mas musaka ang ilang kalidad sa kinabuhi ug mas madasigon sa pagpanarbaho.
