Gitin-aw sa Department Manager sa City Education and Development Office nga limitado ra ang ilang mahatagan sa scholarship isip mga City Scholars.
Namahayag si Richelle Petalcorin Dajay, nga karong Mayo 30, mapagawas na sa ilang departamento ang resulta sa makapasar.
Lakip sa adunay plus factor ang mga tinun-an nga gikan sa 4Ps, anak sa Solo Parent, o mga tinun-an nga Solo Parent, ug mga PWDs.
Gitin-aw ni Dajay nga kapin 4,000 ang aplikante ug kamulo pa silag crossmatching ug pagbaloidar kung sila mga tinood nga residente ning syudad.
Mahinumduman nga nabutang sa kontrobersiya ang departamento nga hawid ni Dajay tungod sa report nga mipalta sila sa paghatag sa allowances sa pipila ka city scholars sa naglabay nga school calendar year.
