Gitubag ni Bise Presidente Sara Duterte ang mga akusasyon sa Malacanang nga “complete failure” ang sa iyang pagdumala isip kalihim sa Department of Education (DepEd).
Miingon ang bise presidente nga dihang nagresign siya, naningkamot pa si Presidente Ferdinand Marcos Jr nga kumbinsohon siya nga magpabilin sa gabinete.
Una niini, gipagawas ni VP Sara ang iyang pahayag human siya gihukman ni Palace Press Officer Atty Claire Castro nga ang iyang pagreklamo sa kasamtangang education system sa nasud nga nagpabilin papel ug lapis, itande sa modernong sistema sa gawas sa nasud.
Gidugang sa bise presidente nga ang iyang obserbasyon sa kahimtang sa edukasyon nagsumikad sa iyang pamalandong nga nagkinahanglan sa seryosong reporma ug suporta, ug dili pagpangdaot sa iyang kapasidad isip lider.
