Gihingusgan sa Senate Impeachment Court ang hapsay ug organisadong pagpadagan sa mga sesyon niini sulod sa miaging pipila ka semana.
Sa eksklusibong interbyu sa Bombo Radyo Philippines, gibutyag sa tigpamaba sa korte nga si Atty. Reginald Tongol nga natuman sa gitakdang oras ang mga importanteng buluhaton may kalabutan sa presentasyon sa Article I sa impeachment complaint.
Matod ni Tongol, bisan adunay pipila ka gagmayng hagit ug pagkaatraso, sama sa masusing pag-authenticate sa mga dokumentong gisumite sa hukmanan, wala kini nakababag sa hapsay nga dagan sa mga proceedings.
Dugang sa abogado nga nagpadayon ang impeachment court sa maampingong pagdumala sa mga sesyon aron masiguro ang hustong pagtimbang sa mga ebidensiya ug argumento nga gipresentar sa prosecution ug defense.
Matod pa niya, nagpabiling determinado ang Senate Impeachment Court nga ipadayon ug mahuman ang proseso subay sa gitakdang iskedyul ug sa mga probisyon sa balaod.
