Gipahayag ni House Prosecutor ug Bicol Saro Partylist Representative Terry Ridon nga maghangyo ang prosekusyon og subpoena para sa tulo ka importanteng testigo sa paghisgot sa Article II sa impeachment complaint batok kang Bise Presidente Sara Duterte bahin sa giingong unexplained wealth niini.
Matud ni Ridon, lakip sa mga gipatawag nga saksi mao sila si retired Sandiganbayan Presiding Justice Amparo Cabotaje-Tang, Office of the Ombudsman Central Records Division Officer-in-Charge Atty. Karen S. Batu, ug Security and Exchange Commission Company Registration and Monitoring Department (CRMD) Director Atty. Gerardo Del Rosario.
Ang ilang mga testimonya makatabang sa pagsusi sa mga alegasyon nga anaa sa Article II sa impeachment complaint batok kang VP Sara diin maglangkob kini sa mga prinsipyo sa public accountability, sa mga gipadayag sa SALN sa Bise Presidente, ug sa pag-authenticate sa mga rekord sa kumpanya nga may kalabutan kaniya. (raniel mahunyag)
