Giila ni Stella Ferrarez, iladong mental health advicate, ang kaimportante sa pagtubag sa batakang panginahanglan sa mga biktima sa kalamidad aron sila makabangon ug mabalik sa normal nga kinabuhi.
Matod niya, dili lang pisikal nga tabang ang gikinahanglan, apan apil usab ang mental health support aron mapadali ang recovery sa mga apektado.
Gipasabot niya nga ang kalamidad dili malikayan, apan pinaagi sa kahibalo, kahandaan, ug klarong plano, mahimong maminusan ang epekto niini.
Dugang pa sa eksperto nga kung ma-edukar ang komunidad sa hustong pagpanalipod sa kaugalingon, mas daghang kinabuhi ang maluwas ug mas dali ang pagbangon gikan sa trahedya
