Gimando ni Presidente Ferdinand Marcos Jr ang dinalian ug lig-ong pagtul-id sa nahunlak nga dalan sa VIA BUDA o BUKIDNON-DAVAO road, nga kasamtangang gi-atiman sa mga trabahante sa Department of Public Works and Highways (DPWH).
Subay sa report, gimando ni Marcos nga siguruhon ang paspas nga pag-ayo sa kalsada alang sa mas luwas ug hapsay nga pagbiyahe.
Ning adlawa, nagpadayon ang pagpataod sa mga sheet pile ug pagpahimutang sa protective sheet sa ahensya ngadto sa mga naapektahang bahin sa duha ka nagkonektar nga dalan
. Partikular nga gi-trabaho ang Sitio Marahan, sa Barangay Marilog ug sa Purok 12, Barangay Buda sakop sa Marilog District, Davao City.
