Giklaro sa Malacañang nga dili manghilabot ang ehekutibong sanga sa gobyerno sa impeachment trial batok kang Bise Presidente Sara Duterte, tungod sa prinsipyo sa separation of powers.
Matod ni Palace Press Officer Usec. Claire Castro, ang impeachment trial trabaho ug mandato sa Senado isip impeachment court.
Giingon niya nga ang Senado ang adunay awtoridad sa pagdumala sa maong proseso ug paghimo sa mga desisyon may kalabotan niini.
Giawhag usab ni Castro ang katawhan nga bantayan ang dagan sa impeachment proceedings, samtang gipasiugda sa Palasyo ang pagtahod sa hustong proseso ug sa kagawasan sa matag sanga sa gobyerno.
