Mipalag ang Malacañan sa pahayag ni Vice President Sara Duterte nga epekto sa “poor governance” ang mga kagubot nga gakahitabo sa Pilipinas.
Namugos si Palace Press Officer Claire Castro nga ang ugat ang mga isyu karon mao ang kamanduan ni Presidente Ferdinand Marcos Jr sa pagpa-imbestihgar sa mga anomaliya nga wala nabuhat sa nangagi nga administrasyon ubos sa pagdumala sa iyang amahan nga si kanhi Presidente Rodrigo Duterte.
Nagpadumdum si Castro nga sukad pa sa 2018 gikuwestyon ug gisaway na ni kaniadto sa Kongresista nga si Rodante Marcoleta ang ghost flood control projects apan wala kini gi-imbestigaran.
Namahayag ang Palace Official nga basin kinahanglan usab pangutan-on unsay nahitabo sa mga proyekto ubos sa Build, Build, Build kaniadto.
Gipamugos ni Castro nga kon klase sa pamalaod ang hisgutan, klaro nga adunay good governance ubos sa pamunuan ni Pangulong Marcos.
