Gipasiugda sa Malacañang ang kamahinungdanon sa transparency ug accountability sa tanang transaksyon sa bangko.
Matud ni Palace Press Officer Usec. Claire Castro, ang bisan unsang transaksyon nga adunay timailhan sa kadudahan kinahanglan nga masusi subay sa balaod. Giingon usab niya nga ang Anti-Money Laundering Council o AMLC adunay responsibilidad sa pagdawat ug pag-imbestiga sa mga report sa kadudahang transaksyon, bisan pa kon nalambigit ang mga pribado o pampublikong opisyal.
Dugang pa ni Castro, bisan aduna nay mga balaod nga nagdumala sa maong mga transaksyon, adunay gihapong mga indibidwal nga nagalapas niini alang sa ilang kaugalingong interes.
Busa, nanawagan ang Malacañang sa hugot nga pagpatuman sa mga lagda aron mapalig-on ang transparency, accountability, ug integridad sa sistema sa panalapi sa nasud. (riza budlao)
