Wala pay desisyon si Presidente Ferdinand Marcos Jr sa imbitasyon ni United States President Donald Trump nga mahimong miyembro sa Board of Peace.
Kini ang gitin-aw ni Palace Press Officer Atty Claire Castro sa pagpangutana sa Bombo Radyo.
Miingon si Castro nga wala pay gipakanaug nga desisyon ang presidente kalabot sa gipadala nga imbitasyon sa president sa Amerika.
Hisayran nga gawas kang Presidente Marcos, daghang mga inilang presidente usab ang gi-imbitar ni Trump nga mu-anib sa iyang gitukod nga inisyatibo sa kalinaw.
Kini gilakipan ni Russian President Vladimir Putin ug Chinese President Xi Jinping.
Wala pay tubag ang duha ka pangulo, apan si French President Emmanuel Macron misalikway sa imbitasyon.
Sila Israeli Prime Minister Benjamin Netantahu, ug Hungarian Prime Minister Viktor Orbán ang mga inilang personalidad nga mitambong sa inisyatibo.
