(Update) CAGAYAN DE ORO CITY – Gusto sa pamilyang Galo nga patyon usab ang mga suspek nga mihimo sa linu-og nga kamatayon sa ilang 19 anyos nga anak-babaye diha sa Zone 4,Sition Dinogon,Brgy Sta. Ana,Tagoloan,Misamis Oriental.
Kini ang gipalanog nga kapungot sa pamilya sa gidangatang kamatayon sa ilang anak nga si Lady Grace nga gipatay sa wala pa ilhi nga mga responsable.
Miingon ang pamilyang Galo nga kon mahimo pa lang mahunusan usab sa kinabuhi sa mga responsabli aron magsilbing patas ang panghitabo.
Napalgan nga wala na’y kinabuhi ug nagbaton sa mga dinunggaban ang biktima sulod sa iyang kuwarto kagahapong adlawa.
Adunay unom ka trabahante nga gipang-imbestigaran apan wala pa’y nakuha nga indikasyon ang kapolisan nga aduna sila’y kalabutan sa kremin.
Una nang namahayag ang Tagoloan Police Station nga anaa sa pito ka persons of interest ang ilang gikonsiderar sa kremin diin usa na lang ang wala pa nila makuhai sa testimonya kabahin sa hitabo.
