CAGAYAN DE ORO CITY-Gikalipay sa pamilyang Rotoras ang aksyon nga gihimo sa mga magtutudlo ug mga tinun-an sa USTP nga mihimo’g signature campaign ug gipadala kang Pres Rodrigo Duterte.
Kini sa tuyo nga masayon si Duterte sa gihimong imbestigasyon sa mga otoridad sa kamatayon ni USTP president Dr Ricardo Rotoras nga dul-ag duha ka bulan na ang nakalabay sukad gipusil ning syudad.
Miingon si Eldie Rotoras,igsoon ni Dr Rotoras nga mismo nahinabi sa iyang sister-in-law si Senate President Koko Pimentel kuyog ang USTP student leaders diin sila nangayo’g tabang makaabot kang Duterte ang pagpangita nila’g hustisya sa hitabo.
Si Dr Rotoras ang gipusil-patay sa duha ka lalaki mismo gawas sa iyang pinuy-unan sa Golden Glow Village North Subd,Upper Carmen ning syudad niadtong petsa 2 sa Disyembre 2017.
