CAGAYAN DE ORO CITY – Mitumaw ang panaglalis tali sa mga abogado sa pagsugod sa ika-19 nga adlaw sa impeachment trial ni VP Sara Duterte.
Gisugdan ni Atty. Kristine Ferrer ang cross-examination kang OVP Assistant Secretary Lemuel Ortonio, apan mi-object si Atty. Mae Divinagracia sa pangutana bahin sa paggasto sa confidential funds.
Giingon sa prosecution nga dili kompetente si Ortonio sa pagtubag tungod kay wala siyay personal nga kahibalo.
Apan gipunto ni Ferrer nga nalambigit si Ortonio sa pagproseso sa mga dokumento sa OVP nga may kalabotan sa budget ug confidential funds.
Gipadayon niya ang pagpangutana aron masuta ang nahibaloan ni Ortonio.
