Gitug-an ni Presidential Anti-Organized Crime Commission (PAOCC) Executive Director, Usec. Benjamin Acorda Jr. nga mipasidaan kaniya ang usa ka opisyal sa Chinese Embassy bahin sa posibleng aksyon batok sa mga Pilipino sa Tsina.
Gihimo ni Acorda ang pahayag sa gilusad nga pagdungog sa Senate Committee on Economic Affairs, nga gipanguluhan ni Senador Risa Hontiveros.
Miingon si Acorda nga kini nga hulga may kalabutan sa gipahigayon nga raid sa mga awtoridad sa Pilipinas niadtong Mayo sa usa ka delikadong steel plant sa Misamis Oriental, diin nadakpan ang 69 ka mga Chinese Nationals.
Sa maong tigum, gipahayag sab ni Acorda ang iyang katingala kun ngano nga mas una pang nakakuha sa kompletong dokumento bahin sa maong operasyon ang embahada sa Tsina inay ang ilang buhatan.
Bag-o lang sab nga gikumpirma sa Chinese Foreign Ministry nga nagpahigayon sila sa espesyal nga operasyon batok sa 100 ka mga Pilipino nga giingong ilegal nga nagtrabaho o nagpuyo didto sa Tsina.
Gikondinat ni Senador Risa Hontiveros ang maong matang sa hulga gikan sa embahada sa Tsina, ilabe na nga dili na bag-o ang ilang hinimuan
