Mibati sa dakung alarma ang Philippine Movement for Climate Justice (PMCJ) Mindanao sa epekto sa katawhan, kinaiyahan ug ekonomiya sa itukod nga Pax Silica sa New Clark City, Tarlac, Luzon Economic Corridor.
Sa pakighinabi sa BOMBO RADYO miingon si Pat Jared Pangantihon, Policy and Communications Officer sa Philippine Movement for Climate Justice (PMCJ) Mindanao nga bisan ipaninggit pa sa Marcos Administration ang kabilinhon sa ipabarog nga AI-Hub, mas mulabaw pa gihapon ang dakung mga risgo sa mga tawong maapektuhan sa ugbukan, pagproseso ug pagmentinar sa ugbokan nga Semi-conductor chips ug pagsilbing data center.
Usa sa gilantaw sa grupo ang epekto sa mga nanimuyo nga posibleng mapapahawa kay gamiton sa gobyerno ang 3,000 ektarya nga luna aron magsilbing manufacturing facility sa siyudad.
Gawas niini, kuwestiyonable usab ang gamitong enerhiya sa Hub ug ang bulto nga tubig nga ikonsumo sa data center matag adlaw.
Nagpadumdum si Pangantihon nga nag-atubang naman gani sa krisis sa lana ug taas nga balayrunon sa kuryente ang Pilipinas, mas gi-una pa ni Presidente Bongbong Marcos ang pagpatukod sa hubs nga ang mga adunahan ra ang mabulahan ug mapihig ang katungod sa mga netibo nga nagpuyo sa maong luna
