Gibarugan ni Presidente Ferdinand ‘Bongbong’ Marcos nga dili niya tugotan ang Estados Unidos nga molunsad og bisan unsa nga mga pagpangatake sa ubang nasud gamit ang mga base militar niini nga nahimutang sa Pilipinas.
Matud pa ni Presidente Marcos, ang ilang gihatagan lamang og pagtagad kay ang pagpanalipod sa teritoryo sa nasud ug pagmintinar sa kalinaw ug kagawasnon sa rehiyon.
Gipasabot usab sa Presidente nga walay interes ang nasud nga mahimong usa ka agresibong puwersa sa rehiyon.
Dugang niya, magpabilin ang Pilipinas sa maog palisiya pinaagi sa pagpaningkamot nga mapalig-on ang maayong relasyon ug kalinaw sa rehiyon. (raniel mahunyag)
