Gipanghingusgan ni Presidente Ferdinand ‘Bongbong’ Marcos Jr. nga madepensahan gihapon sa Pilipinas ang teritoryo niini batok sa ga-angkon sa west Philippine Sea bisan pa man kung walay tabang nga gikan sa laing nasud.
Sumala pa ni Presidente Marcos, gabuhat og mga aksyon ang Pilipinas aron madepensahan ang teritoryo ug soberanya niini, subay sa pagpadayon sa paggamit sa mga batakang katungod niini.
Gipasabot usab sa Presidente nga ang mga lakang sa ubang nasud sama sa Estados Unidos kay walay impluwensya ang pilipinas niini ug basi kini sa ilahang kaugalingong hurisdiksyon.
Dugtong niini, gipatin-aw usab ni Presidente Marcos nga dili interesado ang Pilipinas nga magmugna og usa ka agresibong puwersa ug magpabilin kini sa malinawong pagdepensa sa republika ug pagpanalipod sa teritorial imperatives niini. (raniel mahunyag)
