Gimando ni President Ferdinand ‘Bongbong’ Marcos Jr. nga siguroon dayon nga mahatagan og tabang ang tanang mga katawhang apektado sa kalamidad hilabi kadtong naa sa mga lagyong dapit sa nasud.
Sumala pa ni Castro, nga mao kini ang pahayag sa Presidente atol sa situation briefing adtong buntag sa lunes, Agosto 10, 2026 nga iyahang gipangulugan uban ang nagkalain-laing ahensya sa gobyerno nga ga-responde sa kalamidad nga nasinati sa pipila ka rehiyon sa nasud.
Matud pa ni Castro, gusto nga masiguro sa presidente nga ang tanang mga apektado sa epekto sa gihiusang Habagat, bagyong Luis ug bagyong Maymay kay mahatagan dayon sa tabang.
Dugtong niini, ang nag-unang mando ni Presidente Marcos sa mga ahensya sa gobyerno nga garesponde sa maong kalamidad kay siguroon gayud ang kaluwasan ug kaayuhan sa tanang mga katawhan nga naapektuhan. (raniel mahunyag)
