Gipahayag ni Palace Press Officer Claire Castro nga kinahanglan una basahon ug tun-an pag-ayo ni Pangulong Ferdinand Marcos Jr. ang sugyot balaodnon nga nagtumong sa pagpalugway sa termino sa mga opisyal sa barangay.
Matud pa niya, dili basta-basta maka-uyon o makabalibad ang Presidente tungod kay mahimo kining makaapekto sa gitakdang Barangay ug Sangguniang Kabataan Elections karong Nobyembre.
Tungod niini, maghulat una ang Malacañang nga maabot ug matun-an ang maong panukala sa dili pa magpagawas og opisyal nga posisyon ang Presidente.
Hisayran nga sa pagkakaron, adunay mga panukala sa Kongreso nga nagtumong sa pagextend sa termino sa barangay ug SK officials ngadto sa lima ka tuig ug pag-postpone sa 2026 BSKE. (riza budlao)
