Gibutyag ni Philippine Coast Guard spokesperson Commodore Noemie Cayabyab nga gipatuman karon sa gobyerno ang “Whole-of-the-Nation approach” aron masiguro ang paspas ug organisadong pagresponde sa mga dapit nga naapektohan sa kalamidad.
Gigamit ang “Incident Management Setup” aron sentralisado ang pag-monitor sa tanang datos, records, ug deployment sa mga personahe sa tibuok nasod.
Kini nga pamaagi, subay sa mando sa Office of Civil Defense, nagtumong sa pag-maximize sa tanang kahinguhaan ug abilidad sa mga nagkadaiyang ahensya.
Dugang pa, gihimo kini aron malikayan ang pagkatap sa sayop nga impormasyon ug masiguro ang hapsay nga paghatod sa tabang ngadto sa mga pamilyang apektado.
Kini nga estratehiya ang kasamtangang naggiya sa tanang rescue ug relief operations aron dili magkatibulaag ang mga lihok sa natad sa operasyon.
