CAGAYAN DE ORO CITY-Nahuptan na sa PDEA-10 ang mga pangalan nga kabahin sa gihataga’g shabu suplay sa abogado nga nasikop sa search warrant operation sa Brgy Kauswagan ning syudad.
Miingon si PDEA agent Ben Calibre nga nakurat sila sa gipangtug-an ni Atty Mario Jay Peilago nga mga personalidad diin sagad naggikan sa mga iladong pamilya sa dakbayan.
Si Peilago nasikop sa joint operation sa PDEA ug PNP diin nag-positibo paggamit sa shabu ug nakuhaan usab sa 15 gramos sulod sa iyang pinuy-anan.
Si Peilago kinsa chief legal counsel sa Dept of Agrarian Reform-Misamis Oriental ang detinado sa PDEA mini-cell samtang nangayo’g preliminary investigation batok sa mga kaso gipasaka kaniya sa piskalya ning syudad sa miaging semana.
