Adunay “breakdown of discipline” sa mga estudyante, ilabe na sa mga pampublikong tunghaan tungod kay maglisud sa pagdisiplina ang mga magtutudlo kanila.
Miingon si kanhi DepEd Executive Director for Communications Service – Communications Affairs – Joey Pelaez nga kung niadto masugo pa nga manlimpyo, mapasilhig, o mapalampaso ang mga kabataan sa mga lawak saringan, sa pagkakaron, lisud na.
Kini nga kasinatian, mao usab ang nahitabo sa pipila ka tunghaan sa Japan, kundiin, dili na aktibo ang mga bata sa pagpartisipar sa kalimpyo sa ilang tunghaan.
Nagtoo si Pelaez nga ang pagpanglimpyo sa sulod sa eskwelahan usa ka pamaagi aron makakat-on sa hustong pamatasan ang usa ka bata.
Usa usa kini ka klase sa disiplina nga angay nilang matun-an. Sa pagkakaron, gikasubo sa kanhi opisyal ang pagsaka sa mga kaso sa bullying ug teasing taliwala sa mga paningkamot sa kadagkuan sa tunghaan karon.
Gumikan niini, iyang gi-awhag ang Department of Education ug ang mga magbabalaod nga hatagan sa saktong “disciplining authority” ang mga magtutudlo sa nasod nga makahatag usab sa proteksyon kanila nga dili basta-basta ireklamo sa Department of Social Welfare and Development.
