CAGAYAN DE ORO CITY – Gihupay sa liderato sa Philippine Army ang kahingawa sa katawhan nunot sa isyu nga ibalhin na sa laing lokasyon ang Camp Edilberto Evangelista diin nakabase ang headquarters sa 4ID,Philippine Army sa Brgy Patag ning syudad.
Kini ang tubag ni Philippine Army spokesperson Col. Louie Dema-ala sa mikatap nga impormasyon nga gihingusgan ang pag-demolish sa gatusang puy-anan sulod sa 4ID kay himoon na nga commercial area ang kampo sa dili madugay.
Siya miingon nga magpabilin ang maong kampo ning syudad hangtod nga walay hukom sa kadagkuan sa national govt nga ibalhin kini sa mas paborabling lokasyon ilabina sa dalang bahad sa tensyon sa West Philippine Sea tali Pilipinas ug China.
Hisayrang bisan ang liderato sa Philippine Army ang nasubo sa gidangatan sa ilang kanhi mga kauban sa serbisyo kay pugsanon napapahawa sa mga lote sulod nga 50 hangtod 70 ka tuig nang nagpuyo dinh isa syudad.
