Nasikop sa kapulisan ang unom ka miyembro sa Philippine Coast Guard ug usa ka drayber atol sa joint anti-smuggling operation sa Naawan, Misamis Oriental sayong buntag sa Abril 17, 2026.
Sumala ni PRO-10 Spokesperson PMAJ Joan Navarro, nasakmit usab sa mga awtoridad ang kapin ₱3.07 milyon kantidad sa giingong smuggled nga sigarilyo sa maong operasyon.
Nasakpan sa mga operatiba ang mga suspetsado nga nagdiskarga og mga kahon sa sigarilyo gikan sa fishing vessel ug gibalhin kini ngadto sa Mitsubishi L300 van.
Hisayrang mokabat sa 205 master cases sa Cannon Menthol 100 nga sigarilyo ang narecover sa mga awtoridad.Ang mga nasakmit nga ebidensya itugyan sa Bureau of Customs samtang gipabilin sa kustodiya sa PNP Maritime Unit sa Misamis Oriental ang mga nadakpan.
Sa pagkakaron, kasong violation sa Customs Modernization and Tariff Act (CMTA) ang giatubang sa mga suspetsado.
