CAGAYAN DE ORO CITY – Gilayong ipaubos sa Philippine Army sa medikasyon ang ilang halos 4-mil ka sundalo gikan sa lima ka dibisyon nga kabahin sa mitabang sa local govt units nga apektado sa pagbaha dala sa bagyong Kristine.
Gitumbok ni Philippine Army spokesperson Col. Louie Dema-ala ang paghatag atensyong-medikal sa ilang mga sundalo nga maoy mihumol sa tubig baha aron luwason ang mga sibilyan nga nalukong epekto sa lapad nga mga pagbaha sa Bicol ug ubang bahin sa Luzon.
Gibutyag sa opisyal nga gikan sa 2nd hangtod sa 9th Infantry Divisions ang nagtinabangay aron mapaspasan ang pagtubag sa hangyo sa LGUs nga haw-ason ang mga residente nga naapsan sa pagsaka sa tubig-baha sa mga suba samtang pabiya sa ilang mga puy-anan.
Hisayrang bisan sa paningkamot sa gobierno nga walay mga kinabuhi nga makalas apan daghan hinoon ang nahitabuan ug nagkadaiyang deklarasyon pa sa state of calamity ang gipatuman sa mga syudad,munisipyo ug probinsya nga nagrabehan sa kalamidad.
