Gipaagi nalang sa pagkatawa ni Allain Fonte, Assistant Professor – Western Covenant University ang iyang grabeng ka dismaya sa mga panghitabo sa Pilipinas nga puno sa pamulitika ang kada lihok sa gobyerno.
Sa exclusive interview sa BOMBO RADYO, gisaway sa propesor ang kalkulado nga lihok sa mga opisyales sa gobyerno, ilabe na ang mga politiko tungod kay tataw nga nabuhi nalang sila sa ilang “political survival”.
Alang kaniya, nabiyaan na sa kalambuan ang nasud, daghang kabus ang gutom ug daghang mga dagkung suliran ang wala hatagi sa pagtagad kay nabusy sila sa pagkinasuhay sa matag usa.
Gawas niini, namatikdan usab ni Fonte nga nakita na daan sa Senate Majority Bloc nga panghutdon silag kaso busa naning kamot ang Solid 13 nga bag-ohon ang house rules ug himoong online ang partisipasyon sa mga senador nga mapagawasan sa arrest order sa korte, sama nila Senador Jinggoy Estrada nga adunay plunder case, lakip na si Senador Rodante Marcoleta ang adunay plunder complaint nga napasa sa Ombudsman.
Wala pay labot ang posibleng pag aresto nila Senador Bong Go ug Bato dela Rosa sa ICC.
May kaso usab nga gi-atubang ang mag-igsoong Vince ug Camille Villar, lakip na ang reklamo batok senador Robin Padilla nga gi-ingong pasakahan sa obstruction of justice kay siya ang gitudlo nga nagtago kang Senador dela Rosa.
May kaso gihapon sa Ombudsman sila Senador Francis Chiz Escudero ug Joel Villanueva.
Kung silang tanan mapasulod sa prisohan, ang mahibiling magbarug sa solid 13 mao ang mag-igsoong Alan ug Pia Cayetano, Senador Imee Marcos ug Loren Legarda-
