Layo ra sa peligro ang puy-anan sa Pinoy Worker nga si Divina Zabala sa lokasyon kung asa nahitabo ang gidagnayan nga “in land tsunami” didto sa Langtang National Park, duol sa utlanan sa Nepal ug Tibet (China).
Sa iyang mensahe nga gipadala sa BOMBO RADYO, iyang gi-angkon nga nakurat sila sa hitabo ug nalooy sa mga libuang namissing.
Iya usab gipasalamatan ang tanan nagpadala kaniya sa pagpangumusta human nagviral sa social media ang CCTV Footage sa realtime nga pagbuswak sa nabuak nga glacier, ug lapok padulong sa tiilan nga bahin sa parke ug sa kapatagan.
Hisayran nga gumikan sa insidente misaka pa sa dul-an 400 ka tawo ang namatay ug kapin 1500 ang missing lakip na ang mga bakasyonista.
