Gikonsiderar sa House Prosecution Panel ang posibleng kausaban sa ilang han-ay human gipahugtan sa Senate Impeachment Court ang pagpatuman sa sub judice rule.
Matud ni Representative Zia Alonto Adiong, posible nga ang pipila ka prosecutors mobiya sa ilang pagka-miyembro sa panel aron mahimong full-time spokespersons ug mas makatutok sa pag-atubang sa media.
Gusto usab sa panel nga masabtan pag-ayo ang gilapdon sa desisyon ni Presiding Officer Francis “Chiz” Escudero aron malikayan ang mga pahayag nga mahimong mosupak sa mga lagda sa korte.
Padayon ang diskusyon sa prosecution panel bahin sa posibleng kausaban sa ilang han-ay ug sa pagbahin sa papel sa mga prosecutors ug spokespersons.
Bisan niini, gipasalig sa grupo nga ilang respetuhon ang sub judice rule samtang magpadayon sila sa paghatag og impormasyon bahin sa impeachment proceedings.
