Nadawat na ni Presidente Bongbong Marcos ang report sa kasamtangang kondisyon sa mga magtutungha sa Pilipinas pinaagi sa Programme for International Student Assessment (PISA).
Gipasigarbo sa presidente ang mas maayo nga performance sa Pilipinas sa international assessment nga nagasukod sa abilidad sa mga 15‑anyos nga estudyante sa pagbasa, matematika ug siyensya.
Siya miingon nga kini nga resulta, nagpakita nga ang mga estudyante Pilipino mi-uswag sa ilang test scores sa tanang tulo ka subject sukad misalmot ang nasud sa PISA niadtong 2018.
Hisayran nga bisan pa sa kalamboan, nagpabilin nga ubos sa international average ang resulta sa mga estudyante Pilipino.
