Walay lipud-lipod nga gi-cite for contempt ni Abang Lingkod Partylist Rep. Stephen Paduano si former Philippine Drug Enforcement Agency Director General Wilkins Villanueva atol sa ika-13 nga hugna sa hearing sa Quadropole Committee hearing sa kamarabaha.
Kini human nagtoo ang komitiba nga namakak ug naglikay si Villanueva nga tubagon ang pipila ka pangutana kabahin sa anti-drugs war campaign ni kanhi Pres Rodrigo Duterte.
Mabalhog unta sa House facility si Villanueva tungod sa mando sa komitiba apan nagkauyon ang mga miembro niini nga ipatuman ang contempt order sa pagbalik na sa sesyon sa Enero 13 sunod tuig.
Si Paduano sa wala pa nahimong politiko ang kanhi miembro sa Communist Party of the Philippines ug nagsilbing lider sa Revolutionary Proletarian Army-Alex Boncayao Brigade o RPA-ABB.
Samtang si Villanueva ang graduwado sa Philippine Military Academy o PMA Maringal Class of 1988 diin misulod sa Philippine National Police nga unang nadestino sa pakig-engkuwentro sa rebeldeng New People’s Army sa Misamis Oriental.
Sa pagkamugna sa PDEA tuig 2002, kabahin sa Villanueva nga napili ug nadestino sa nagkadaiyang regional offices nga naglakip sa Northern Mindanao ayha ang pagsilbing pinakataas nga opisyal sa panahon ni Duterte.
