Siento porsiento nang andam ang Philippine National Police (PNP) alang sa ikalimang State of the Nation Address (SONA) NI Presidente Ferdinand Marcos Jr.
Kini ang gibutyag ni PNP Public Information Officer Chief Police Colonel Allen Rae Co nga anaa na sa pinal nga hugna ang ilang mga pangandam samtang ilang gipanalipdan ug girespeto ang batakang katungod sa katawhan alang sa malinawong lihok protesta o peaceful assembly.
Hinuon, nagpahinumdum si Co sa mga magprotesta nga kinahanglang magpabilin silang malinawon ug mosunod sa mga gihatag nga lugar ug permit aron malikayan ang bisan unsang gubot.
Mipasidaan ang mga otoridad nga dili sila magpanuko sa pagdakop sa mga masupakon sa lagda sa lihok protesta nga maka-apektar sa gitarget nga malinawong pagpahigayon sa SONA sa adlaw’ng lunes.
Gawas sa crowd control, hugot usab nga bantayan sa kapulisan ang dagan sa trapiko sa maong adlaw.
Subli, gipasabot ni CO ngaduna silay contingency plans aron mas maayo nilang matubag ang bisan unsang sitwasyon nga mahimong motugaw sa kalinaw
