Gimanduan ni Philippine National Police (PNP) Chief General Jose Melencio Nartatez Jr ang tanan regional offices sa kapulisan nga bantayan ang pagsaka sa presyo sa produktong petrolyo ug LGP sa matag lokalidad.
Miingon si PRO-10 Spokesperson Police Major Joanne Navarro nga nakig-uban sila sa mga ahensya sama sa Department of Energy ug Department of Trade and Industry aron maseguro nga walay mag-abusar nga mga negosyante sa rehiyon.
Gawas niini, muuban usab ang kapulisan sa mga kadagkuan sa DTI aron susihon ang presyo sa batakang palaliton, ug dakpon ang mga masakpan nga nagpasaka sa presyo taliwala nga nagpagula sa abiso ang DTI nga stable pa ang presyo sa prime commodities sa merkado.
