MANILA – Gihataga’g igong seguridad sa kapolisan ang testigo nga nakatabang nga matumbok ang lokasyon nga gilubngan sa magtrato nga si beauty queen Geneva Lopez ug Israeli fiance Yitshak Cohen didto sa Capas,Tarlac.
Kini human gikompirmar ni PNP spokesperson Col Jean Fajardo nga tipik sa persons of interest ang duha ka kanhi pulis sa maong kremin.
Miingon si Fajardo nga mohimo pa sila sa dugang imbestigasyon kon nganong nalambigit ang kanhi nila kauban sa kamatayon sa magtrato kinsa gikan pa sa laing probinsya apan nakit-an sa Capas ang ilang patay’ng lawas nga gipanglubong.
Una nang gitudlo sa mga imbestigador nga posibleng gipang-patay ang mga biktima tungod sa bangi sa yuta.
Si Geneva ang contestant unta sa Mutya ng Pilipinas Pampanga ning tuiga.
