“I don’t know, to be honest.”
Mao kini ang tubag ni Atty. Michael Wesley Poa, tigpamaba sa defense team ni Vice President Sara Duterte sa pangutana bahin sa pagkumpara sa mga alegasyon nga naglambigit kang Vice President Duterte ug sa isyu nga may kalabutan kang Mary Grace Piattos.
Matod ni Poa, mas maayong hulaton ang opisyal nga mga findings ug ebidensya sa Commission on Audit o COA kaysa magbase sa mga espekulasyon ug mga impormasyong wala pa mapamatud-i.
Gipasabot usab niya nga ang mga diskusyon sa pagkakaron naglibot gihapon sa mga nahisgutan atol sa mga pagdungog ug sa mga dokumentong gisusi sa mga awtoridad.
Busa, matod sa kampo ni Vice President Duterte nga magpabilin silang maghulat sa opisyal nga findings ug ebidensya sa dili pa maghatag og dugang komento sa maong isyu. (jane abulag)
